Um alle Inhalte sehen zu können, benötigen Sie den aktuellen Adobe Flash Player.

Startseite Über mich Meine 1. Buch Mein 2. Buch Krimi Orte? Mein 3. Buch. Mein 4.Buch E - Book. Gästebuch Jodlerklub Maiglöggli, Bern Meine Bilder Kontakt Cran Canaria Dr Sämu: Austellung  Karrikatur Konfirm-Gedicht Weihnachtsgesch 1... Tannenbaum 1 Weihnachtsgesch 2 Tannenbaum 2 

Dr Sämu:

Dr Sämu meint:

I ha e Fründ, dr Chrigu. Aer isch, wi ig o ne Aemmitauer. Nid grad e so e schnäue wi ig, aber lö mir das. Dä Chrigu hett o e Frou u no ganz e nätti. wi dä das gschaffet hett, di z`übercho, weiss ig o nid. Aber la mir o das. Item, das Käthi, so heisst di, hett mi mau bime Träffe näbeume gno u e chly verläge gfragt, was ächt mit ihrem Chrigu passiert sig, dä heig doch süsch im Huushaut nie e Finger grüert, im Gägetiu, wes si ne gfragt heig für öppis z`häufe, heig är numme di Dummi gha, ob ig verrucht sig, är sig doch kes Weichei u mach da sicher das Huusmannsgschtürm vo dene Emanze nid mit. Für das heig me schliesslich emänd d`Wyber, u für öppis heig me ja o so eini o ghürate. Omu nid für das di dr ganz Tag chönn umeplaschte u dr Maa sött de nach em Fyrabe no d`Huushautig mache. Nei, nei mit ihm, em Chrigu mach me das nid. So hett är chäret u fasch nümme wöue höre giftele. U itz ufds`mau sig dä ganz angersch: Ständig frag är, ob är no öppis chönn häufe, ob i ächt nid e chly wöu ga liege u mi chly schone. Sogar probiert z`choche heig är. Klar hani müsse ygriffe, wo ner Teigware i Bratpfanne ta hett u nid i ds Wasser u di ir Chuchi umegfloge si. Aber är hett wenigschtens wöue. Aber i ha itz Angscht, mym Chrigu heigs zimlich i Weize ghaglet, irgendwie lauf bi däm es Redli verchehrt, gloube i. Ds Käthi hett mi du bäte. i söu doch bi Glägeheit ihrem Maa chly uf e Zahn fühle, was das söu si. Das hani du bim nächschte Birli, wo mir zäme trunke hei, o gmacht. "Du Chrigu", hani gseit: "Dis Käthi tuet di de schön rühme, wi du ufds`mau ganz e angere sigsch u ihre ir Huushautig häufsch, was numme chönnsch. Hesch ufds mau so Früüd übercho a der Abeit. Du hesch doch süsch ender gföplet über di Pingle, wo sich da vo ihrne Froue löie la umekommandiere." Dr Chrigu hett afa umemurgse u hett ufds mau schnäu ds Birli ustrunke u wöue ga. Aber i ha nid lugg gla. "Ja, hesch dä Artiku i üsem Liebblatt nid gläse, Sämu?" "Was fürne Artiku?", hani erstuunt nachegfragt. "Mehr Sex dank Hausarbeit" sig i dr Ueberschrift gschtange u wyter heigs gheisse, di Schtudie, wo amerikanischi Forscher erforscht heigi, zeigi, dass Manne, wo viu i dr Huushautig häufe, es bessersch Sexualläbe heigi. Settigi Paar heige o me Sex, steit o." Dr Chrigu hett chly verläge a sym Birli gsüglet u du vüre brösmelet: "U wiu das Leschte vo mir syte mängisch chly meh dörtfti si, hett mir das imponiert, obschon, chaisch dr vorsteue, mir das nid liecht gfaue isch. Aber was machsch nid aus, um wider chly Schwung i ds Bett z`bringe." Mi hetts innerlich fasch verputzt vor lache u glich hett mi dä Chrigu fasch duuret, dass är sich so vome settige Seich hett la ids Bockshorn jage. "U de nützts wenigschtens?", han i gfragt. "Das chunnt de scho. Käthi muess sich itz zersch vo däm Schock erhole, wo mi Verhautensänderig usglöst hett." I ds Lache müesse verbisse u gsit, ja das chönni mer vorsteue.Uebrigens i ha du nachegluegt: So ne Artiku isch tatsächlich uf ere letschte Syte vor ehrwürdige Bärnerzytig gschtange u isch ke Apriuscherz.



LOREM IPSUM

Tempor incididunt